نتائج تلاش

خِزاں کے پُھول مِری بے بَسی کے عُنواں ہیں بہار و باغ تِری سَروَرِی کے افسانے جگن ناتھ آزاؔد

جنُوں سے پُوچھ یہ راز ِ نہاں، خِرد سے نہ پُوچھ جمالِ شمع پہ، کیوں ٹُوٹتے ہیں پروانے جگن ناتھ آزاؔد

زندگی بھر جن کو سُننے کی تڑپ دِل میں رہی اُٹھ گئے جب ہم جہاں سے تب صدا دینے لگے شفیق خلؔش

جُز دِل، کوئی مکان نہیں دہر میں ، جہاں! رہزن کا خوف بھی نہ رہے، در کُھلا بھی ہو ناصؔر کاظمی

یہ کیا ! کہ روز ایک سا غم، ایک سی اُمِید اِس رنجِ بےخُمار کی، اب اِنتہا بھی ہو ناصؔر کاظمی

نپٹ ہُوا ہُوں فضیحت، بہت ہُوا ہُوں خراب تِری طفیل اے خانہ خراب ،کیا نہ ہُوا اشرف علی خاں فُغاؔں

بادِ صبا توں عُقدہ کُشا اُس کی ہو جیوں ! مجھ سا گرفتہ دِل اگر آوے نظر کہیں باور اگر تجھے نہیں آتا توں دیکھ لے ! آنسو کہیں ڈھلک گئے، لختِ جگر کہیں اشرف علی خاں فُغاؔں

خط دیجیو چُھپا کے، مِلے وہ اگر کہیں لیجو نہ میرا نام تلک ، نامہ بر کہیں رونا جہاں تلک تھا مِری جان رَو چُکا ! مطلق نہیں ہے چشم میں، نم کا اثر کہیں اشرف علی خاں فُغاؔں

جاتے کہاں ، کہ رات کی بانہیں تھیں مشتعِل ! چُھپتے کہاں، کہ سارا جہاں اپنے گھر میں تھا وزیر آغا

نہ پُوچھو کہ ، دِل شاد ہے یا حزیں ہے نہیں یہ بھی معلوُم، ہے یا نہیں ہے نہیں وہ رہے ہم سے تم، جو تھے پہلے ! زمانے کو تو، کُچھ تبدّل نہیں ہے شیخ محمد ابراہیم ذوقؔ

بے سُود ذکرِ غم ہے زمانے کے سامنے دِل اب کسی بھی طَور پِگھلتے نہیں ذرا شفیق خلؔش

اِس عہد میں، کہ جُز غَمِ دَوراں نہیں ہے کُچھ وہ شخص ہے ولی، جو محبّت سے کام لے جِگرمُراد آبادی

شفیق خلش غزل سائے ہیں بادلوں کے وہ، چَھٹتے نہیں ذرا لا لا کے غم سروں پہ یہ، تھکتے نہیں ذرا کیسے قرار آئے دلِ بے قرار کو گھر سے اب اپنے وہ، کہ نکلتے نہیں ذرا کیا وہ بچھڑگئے، کہ خُدائی بچھڑ گئی دُکھ اب ہماری ذات کے بٹتے نہیں ذرا سُوجھے کوئی نہ بات ہَمَیں آپ کے بغیر موسم تخیّلوں کے بدلتے نہیں...

بس وعدۂ وصال سے کم دے مجھے فریب آگے ہی مُجھ کو تیرا بہت اعتبار ہے مِیر تقی مِیؔر

یہ اُچٹتے ہُوئے منظر، یہ ڈھلکتے ہُوئے خواب چشمِ بیدار کہاں تک، دلِ بِینا کب تک ؟ ایاؔز صدیقی

غزل چہرۂ وقت سے اُٹّھے گا نہ پردا کب تک پسِ اِمروز رہے گا، رُخِ فردا کب تک اُس کی آنکھوں میں نمی ہے، مِرے ہونٹوں پہ ہنسی میرے اللہ! یہ نیرنگِ تماشا کب تک یہ تغافُل ، یہ تجاہل ، یہ سِتم ، یہ بیداد کب تک ، اے خانہ براندازِ تمنّا !کب تک بن گیا گردشِ دَوراں کا نِشانہ آخر لشکرِ وقت سے لڑتا دلِ...

اب زندگی کو شادی و غم سے غرض نہیں بے آنسوؤں کا عشرہ ہے، بے زمزموں کی عِید جوشؔ ملیح آبادی

تجھے ناداں ، ہنوز آنکھیں لڑانا بھی نہیں آتا ! نظر باتیں کرے، یُوں مُسکرانا بھی نہیں آتا جوشؔ ملیح آبادی

کمر کی لوچ سے، پلکوں کی طُوفاں خیز لرزش سے ! نگاہِ جوشؔ کو جُھولا جُھلانا بھی نہیں آتا جوشؔ ملیح آبادی

مِرے حرفِ تمنّا و طَلَب گاری سے شرما کر کلائی میں، تجھے کنگن گھمانا بھی نہیں آتا جوشؔ ملیح آبادی