آج کا شعر - 3

[نوید صادق]

وہ بھی شاید رو پڑے ویران کاغذ دیکھ کر
میں نے اس کو آخری خط میں لکھا کچھ بھی نہیں

شاعر: ظہور نظر

 

[مغزل]

سناٹا جب تنہائی کے زہر میں گھلتا ہے
وہ گھڑیاں کیونکر کٹتی ہیں، کیسے بتائیں تمہیں
ظہور نظر

نوید بھائی، استاد ظہور نظر کی یہ غزل فورم پر لگی ہوئی ہے ۔ ( کھٹکا کریں)

 

[نایاب]

السلام علیکم
سدا مہکتی رہے یہ محفل اردو آمین

اِک غم ہے ۔ اُسے بھی بھول جائیں
پی رکھّی ہے کیا شراب ہم نے
ایسے کہ سنو تو ہنس پڑو تم
دیکھے ہیں عجیب خواب ہم نے

دور کنارا
مصحف اقبال توصیفی
نایاب

 

[مغزل]

گرنے دو تم مجھے مرا ساغر سنبھال لو
اتنا تو میرے یار کرو میں نشے میں ہوں

 

[فرخ منظور]

گردشِ ساغرِ صد جلوۂ رنگیں ، تجھ سے
آئینہ داری یک دیدۂ حیراں ، مُجھ سے
(غالب)

 

[محمد وارث]

ترا مُکھ مشرقی، حسن انوری، جلوہ جمالی ہے
نَیَن جامی، جبیں فردوسی و ابرو ہلالی ہے

(ولی دکنی)

 

[زینب]

ہر ایک لمحہ مجھے رہتی ہے تازہ شکایت

کبھی تجھ سے ،کبھی خود سے،کبھی اس زندگی سے

وہ بےکیفی کا عالم ہے کہ دل چاہتا ہے

کہیں روپوش ہو جاؤں اچانک خامشی سے

 

[ادریس آزاد]

ہر ایک لمحہ مجھے رہتی ہے تازہ شکایت

کبھی تجھ سے ،کبھی خود سے،کبھی اس زندگی سے

وہ بےکیفی کا عالم ہے کہ دل چاہتا ہے

کہیں روپوش ہو جاؤں اچانک خامشی سے

اس میں اگر "وہ بے کیفی کا عالم ہے کہ دل یہ چاہتا ہے" ہو تو وزن ٹھیک ہوجائے گا۔ممکن ہے ٹائپنگ کی مسٹیک ہو

 

[مغزل]

میں نے تعبیر کو تحریر میں آنے نہ دیا
خواب لکھتے ہوئے محتاجِ بشارت لکھا
عزم بہزاد
( غزل بھی آج پیش کردیتا ہوں)

 

[نوید صادق]

تاریخ بکف ہے ذرہ ذرہ
صحرا میں کسے کسے صدا دوں

شاعر: احمد ندیم قاسمی

 

[محمد وارث]

کیوں ردِّ قدح کرے ہے زاہد
مے ہے یہ، مگس کی قے نہیں ہے

(غالب)

 

[مغزل]

فریاد کی کوئی لے نہیں ہے
نالہ پابندِ نے نہیں ہے
غالب

 

[محمداحمد]

کبھی کبھی کا یہ مل بیٹھنا غنیمت ہے
نئی لغت کے مطابق یہی محبت ہے
​

 

[مغزل]

ملے تو مل لیے ، بچھڑے تو یاد بھی نہ رہے
تعلقات میں‌ایسی روا روی بھی نہ ہو ۔۔۔

سمجھے ۔۔ ؟؟
اب آہی گئےتو تو لگے ہاتھوں میری غزلیں بھی دیکھ لو ۔۔۔

 

[زینب]

کئی ستاروں کو میں جانتا ہوں بچپن سے
کہیں بھی جاؤں میرے ساتھ ساتھ چلتے ہیں

وہ ایک پیڑ ہے آ، اس سے مل کے رو لیں
یہاں سے تیرے میرے راستے بدلتے ہیں

 

[محمداحمد]

کچھ اور ساتھ رہے گا چلو چلیں واپس
جہاں ملے تھے اُسی موڑ پر جدا ہونا

 

[ارشد خان]

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ اُ مید

وہ تو پتھر ہیں جو گر جاتے ہیں ٹکڑے ہو کر
حوصلے بھی کبھی مسمار ہوا کرتے ہیں

/ شاعر نا معلوم /

 

[مغزل]

تم تراشے ہوئے بت ہو کسی محراب کے بیچ
ہم زوائد ہیں جو پتھر سے نکل جاتے ہیں ۔
توقیر تقی

 

[زینب]

اس نے اپنی چال چلی،اس کی جیت یقینی تھی

اپنی اپنی قسمت کہ ہارا میں پچھتایا وہ

 

[ارشد خان]

ساغر صدیقی

جسے اپنا یار کہنا ، ا سے چھوڑنا بھنور میں
یہ حدیث ِ د لبرا ں ہے ، یہ کما ل ِ د لبری ہے