السلام علیکم فرخ بھائی میں یہ کہنا چاہ رہا ہوں کہ جب طالبانی ملا کہ مطابق مجرمہ نے اقرار زنا کرلیا تھا تو پھر اس پر شریعت کی حد نافذ کی جانی چاہیے تھی یعنی اگر وہ شادی شدہ تھی تو رجم کیا جاتا اور اگر غیر شادی شدہ تھی تو پھر اس کو 100 کوڑے مارے جاتے کیونکہ حدود میں کسی حکومت امیر اورحاکم کو نہ معاف کرنے کا اختیار ہے اور نہ ہی کسی قسم کے رد وبدل اور تغیر کا تو پھر یہ چالیس کوڑے کہاں سے نکال لیے طالبانی ملا نے اور اس کو حدوداللہ کا نام دے دیا ؟ اور یہ بھی یاد رہے کہ حقیقت میں شریعت کی رو سے حدود کا نفاذ اسلامی ریاست کرتی ہے نہ کہ کوئی بھی انفرادی گروہ یا جتھہ
وعلیکم السلام
عابد بھائی میں آپکی بات سمجھ چُکا تھا اور اس بات سے پورا پورا اتفاق رکھتا ہوں کہ کسی کو حدود میں تغیرو تبدل کرنے کا اختیار نہیں (سوائے اسکے ، کہ حالات ایسے ہوں کہ جُرم مجبوری بن جائے)۔ اور اسی لئے تو شروع سے کہتا آرہا ہوں کہ پتا لگے کس نے جھوٹ بولا ہے۔
طالبانی ملا یعنی مسلم خان کے اس بیان پر کہ "یہ طریقہ ٹھیک نہیںتھا" میرا ذاتی اور شدید اختلاف بھی یہی ہے کہ انکو ایسے غلط طریقہ اختیار کرنے کی اجازت کس نے دی اور پھر شریعت کا نام لینے اور اسکے نفاذ کی کوشش کرنے والوںنے اس غلط طریقہ کو اختیار کرنے والے، یعنی شرعی اصول کے خلا ف ایک کام کرنے والوں کے خلاف کیا ایکشن لیا؟
لیکن یہ اسلام ریاست والی بات بہرحال ایک نہ ختم ہونے والی بحث ہے۔ کیونکہ طالبان بہرحال ایک اتنے بڑے علاقے پر قابض ہیں جہاںانھوںنے ایک ریاست کا اعلان کر دیا ہے اور امن معاہدے کے بعد وہاںشریعت کا نفاذ اور اسی کے سلسلے میںقاضی عدالتوں کے قیام کا بھی اعلان کر دیا گیا ہے۔ تو وہ یہ دعویٰ کرتے ہیں کہ حدود کا نفاذ انکی ریاست کے تحت کیا جاتا ہے۔
اب یہ بھی ایک علحدہ امر ہے کہ ہم اس ریاست کو تسلیم کرتے ہیںیا نہیں؟ اور یہ بھی کہ ایسی ریاستیں کن رقبوںپر بنائی جاتی ہیں اور انکا سائز کیا ہونا چاھیئے؟ وغیرہ وغیرہ
