سیدہ شگفتہ نے کہا:
نبیل بھائی ،
مجھے یہاں کافی غلطیاں نظر آ رہی ہیں اب تک مجھے صرف تاہوما فونٹ سے سپورٹ مل رہی ہے وہ بھی ادھوری ۔ تشدید ظاہر کرنا فی الحال جوئے شیر لانے کے مترادف بلکہ بڑھ کر ہے ۔ جب بھی تشدید ڈالوں معلوم نہیں کہاں غائب ہو جاتی ہے ۔ کچھ اور مسائل جو درکار ہیں :
1۔ ہمزہ وصل/ قطع کی علامت= الف کےاوپر/نیچے ہمزہ (ء) + حرکت
2۔ ہمزہ ء وصل کے لئے وصل کی علامت = الف کے اوپر / نیچے ہمزہ + ادھورا
صاد کی علامت
3۔ جدول
فی الحال صرف مقدماتی اصطلاحات کا بیان آرہا ہے نبیل بھائی کیا یہ ممکن ہے کہ پہلا باقاعدہ سبق شروع ہونے تک یہ چند چیزیں ایڈیٹر میں شامل ہوجائیں ۔ میرے پاس انٹر نیٹ ایکسپلورر واحد آپشن ہے ۔
اُردو ایڈیٹر لائٹ ڈاونلوڈ تو ہوجاتا ہے لیکن پھر چراغوں میں روشنی نہیں رہتی اور آن لائن آکر لکھنا اکثر مسئلہ کشمیر ثابت ہوتا ہے
السلام علیکم سیدہ بہن،
آپ ماشاء اللہ بہت محنت سے کام کر رہی ہیں۔ جزاک اللہ خیر۔ نعیم اختر نے صوتی کی بورڈ ڈاؤنلوڈ کرکے استعمال کرنے کی بات کی ہے۔ نوٹ پیڈ یا ورڈ استعمال کرنے کے لیے صوتی کی بورڈ کی ضرورت ہے جبکہ اردو ایڈیٹر لائٹ میں اس کی ضرورت نہیں ہے۔
سیدہ، مجھے آپ کی مشکلات کا صحیح طور پر ادراک نہیں ہو سکا۔ آپ کو اردو ایڈیٹر لائٹ میں لکھنے میں کیا مشکل پیش آ رہی ہے؟ آپ نے حرف کے اوپر اور نیچے ہمزہ ڈالنے کا ذکر کیا ہے۔ کیا یہ وہی میپنگ نہیں ہے جو میں ایڈیٹر میں شامل کر چکا ہوں اور جسے آپ ٹیسٹ بھی کر چکی ہیں؟ کیا آپ عربی ٹیکسٹ یہاں استعمال ہونے والے ڈیفالٹ ایشیا ٹائپ فونٹ میں تو نہیں پوسٹ کر رہیں؟ میں نے اپنی اردو پیڈ کی اپگریڈ والی پوسٹ میں عرض کیا تھا کہ عربی ٹیکسٹ کو ٹاہوما، لطیف، شہرزادے یا غدیر فونٹ کے ساتھ پوسٹ کریں اور بہتر ہے کہ اس کے لیے پوائنٹ سائز بھی 36 رکھیں۔
میرے خیال میں آپ اردو ایڈیٹر لائٹ میں لکھنے کے لیے فونٹ منتخب کر سکتی ہیں جبکہ اس فورم کے پوسٹ پیج پر ایسا ابھی تک ممکن نہیں ہے۔ یہاں آپ کو ٹیکسٹایریا میں عربی متن چسپاں کرکے اس پر مناسب فونٹ اپلائی کرنا ہوگا۔
برائے مہربانی مجھے بتائیں کہ کیا مجھے آپ کی باتوں کی پوری طرح سمجھ آئی ہے؟ میرے خیال میں اوپر آپ کی فراہم کردہ لسٹ میں ادھورے صاد کے علاوہ باقی علامات پہلے سے ہی ویب پیڈ میں موجود ہیں۔ میں اسے جلد از جلد شامل کرنے کی کوشش کروں گا۔ آج کل میں فورم پر کم پوسٹ کر رہا ہوں۔ اس کی وجہ یہ ہے کہ میں پوسٹ پیج پر کچھ مسائل کو حل کرنے کی کوشش کر رہا ہوں۔ ان مسائل کے حل کے ساتھ ہی ٹیبل پوسٹ کرنے کی سہولت بھی مہیا کر دی جائے گی۔ میری کوشش رہے گی کہ یہ کام ایک ہفتے کے اندر اندر کردوں۔
والسلام
