منتخب اشعار برائے بیت بازی!

[شمشاد]

يہ فاصلہ ہے ميرے ذہن رسا کا ضامن
منزل سے تابہ منزل ہر نقش پاکا ضامن
ہر خواب، ہر حقيقت، ہر ارتقا کا ضامن
(ڈاکٹر حمایت علی شاعر)

اب ‘ ن ‘ سے

 

[شمشاد]

میرے ‘ ے ‘ سے شعر دینے سے پہلے ہی شگفتہ صاحبہ نے شعر دے دیا۔ اب میں ‘ الف ‘ سے دے دیتا ہوں۔

اے باد سحر محفل احباب میں کہو
ديکھا ھے جو کچھ حال تہ دام ہمارا
(نواب انشاء اللہ خان)

 

[حجاب]

ایک ہی شہر میں اتنی بارش ٹھیک نہیں
آؤ ہم تم بانٹ لیں آنکھوں کی برسات

 

[شمشاد]

تنہا تنہا ہم رو لیں گے، محفل محفل گائیں گے
جب تک آنسو پاس رہیں گے تب تک گیت سنائیں گے
(ندا فاضلی)

 

[الف عین]

یارو مت اُس کا فریبِ مہر کھاؤ
میر بھی تھے اس کے ہی یاروں کے بیچ
میر

 

[سیدہ شگفتہ]

چُپ کیا ہوئے وہ کُوئے محبت کے قصہ گُو
تفصیل و اختصار سے آگے نکل گئے


شاعر : احمد نوید


​

 

[الف عین]

غمِ فراق ہے دُنبالہ گردِ عیشِ وصال
فقط مزہ ہی نہیں عشق میں بَلا بھی ہے

 

[سارہ خان]

یا ترا تزکرہ کرے ہر شخص
یا کوئی ہم سے گفتگو نہ کرے

 

[عمر سیف]

یہی کرو گے تم ہم سے اب ملو گے نہیں
جو بات دل نے کہی تھی اسے سنو گے نہیں
وہ داستاں جسے سنتے ہو روز ہنس ہنس کر
کبھی جو ہم سے سنو گے تو ہنسو گے نہیں ۔

 

[شمشاد]

نکہتِ زلف سے نیندوں کو بسا دے آ کر
میری جاگی ہوئی راتوں کو سلا دے آ کر
(اختر شیرانی)

 

[توقیر]

رہ گئے ہم اگر اُلجھ کے تو کیا
گیسوئے یار تو سنوار آئے

 

[عمر سیف]

یوں بھی ہم دور دور رہتے تھے
یوں بھی سینے میں اک کدورت تھی
تم نے رسما بھلا دیا ورنہ
اس تکلف کی کیا ضرورت تھی

 

[دوست]

معذرت کے ساتھ۔
لیکن لفظ قدورت نہیں کدورت ہے۔

 

[عمر سیف]

اصلاح کا شکریہ۔

 

[شمشاد]

معذرت کے ساتھ۔
لیکن لفظ قدورت نہیں کدورت ہے۔

کوئی بات نہیں، ہو جاتی ہیں ایسی چھوٹی موٹی غلطیاں، ویسے میں نے تصحیح کر دی ہے۔

 

[توقیر]

یہ دنیاکِتنی دھندلی کِتنی مُبہم ہوتی جاتی ہے
نظر کیا محرمِ اسرارِ عالم ہوتی جاتی ہے

- شکیل پیارکروگی

 

[شمشاد]

یہ دستورِ زباں بندی ہے کیسا تیری محفل میں
یہاں تو بات کرنے کو ترستی ہے زباں میری

 

[توقیر]

.
یہ شہرشہرِآتش وخوں بن گیا ہے ہوش
آ اور کوئ شہر محبّت بَسائیں ہم
.

 

[الف عین]

میں نے چاہا تگھا کہ اندوہِ وفا سے چھوٹوں
وہ ستم گر مرے مرنے پہ بھی راضی نہ ہوا

 

[عمر سیف]

آنکھوں میں ٹھہرتے ہیں جو خواب شبمنی سے
پر پل دمک رہی ہوں میں ان کی روشنی سے
اوراقِ زندگی پہ سب داستاں رقم ہے
کیوں ایسے جی رہی ہے ناہید بےدلی ہے ۔