بیت بازی

[عمر سیف]

یہ اداس اداس سے بام و در یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو

 

[شمشاد]

وہ بے حساب جو پی کے کل شراب آیا
اگرچہ مست تھا میں پر مجھے حجاب آیا
(بہادر شاہ ظفر)

 

[عمر سیف]

آتے آتے میرا نام سا رہ گیا
اس کے ہونٹوں پہ کچھ کانپتا رہ گیا

 

[شمشاد]

اس بے وفا کا شہر ہے اور ہم ہیں دوستو
اشکِ رواں کی نہر ہے اور ہم ہیں دوستو

 

[تیشہ]

وصال و ہجر کے اس بے یقین صحرا میں
سہیلیو! کوئی موسم ہرا نہیں ہوتا ،

 

[شمشاد]

آج بھی ہیں میرے قدموں کے نشاں آوارہ
تیری گلیوں میں بھٹکتے تھے جہاں آوارہ
(ممتاز راشد)

 

[عمر سیف]

ہارنے والوں سے سمجھوتہ کہاں ممکن تھا
حرف بدلتے بھی تو مہفوم بدل جانا تھا۔

 

[الف عین]

اب یہ سوچا ہے کہ پتھر کے صنم پوجوں گا
تاکہ گھبراؤں تو ٹکرا بھی سکوں، مر بھی سکوں۔
ساحر؟

 

[عمر سیف]

نام بھی جس کا زباں پر تھا دعاؤں کی طرح
وہ مجھے ملتا رہا ناآشناؤں کی طرح

 

[شمشاد]

حسن پھر فتنہ گر ہے کیا کہیے
دل کی جانب نظر ہے کیا کہیے

پھر وہی رہگذر ہے کیا کہیے
زندگی رہبر ہے کیا کہیے
(مجاز لکھنوی)

 

[حجاب]

یونہی ایک جھوٹی انا کے واسطے برباد ہوجانا
خودی کے زعم میں انسان کتنے دُکھ اُٹھاتا ہے۔

 

[شمشاد]

یہ محرومی نہیں پاسِ وفا ہے
کوئی تیرے سوا دیکھا نہ جائے
(احمد فراز)

 

[عمر سیف]

یہ ہم جو ہجر میں دیوار و در دیکھتے ہیں
کبھی صبا کو کبھی نامہ بر کو دیکھتے ہیں

 

[حجاب]

نغموں کی ابتداء تھی کبھی میرے نام سے
اشکوں کی انتہا ہوں مجھے یاد کیجئے ۔۔

 

[عمر سیف]

یہ آسماں‌غلام ہے کس مہ جمال کا
پہنے پھرے ہے کان میں بالا ہلال کا

 

[اعجازعظیم]

ان کے جاتے ہی یہ حیرت چھا گئی
جس طرف دیکھا کیا، دیکھا کیا
مجھ سے قائم ہیں جنوں کی عظمتیں
میں نے صحرا کو جگر، صحرا کیا!
(جگرمراد آبادی)

 

[عمر سیف]

اپنی الجھن کو بڑھانے کی ضرورت کیا ہے
بچھڑنا ہے تہ بہانے کی ضرورت کیا ہے

 

[نوید ملک]

یہ راستوں کا بدلنا تجھی سے سیکھا ہے
نکال لیں گے ہم بھی کوئی راستہ آخر

(ساجد امجد)

 

[عمر سیف]

رات بھر ایک چاپ سی پھرتی رہی چاروں طرف
جان لیوا خوف تھا لیکن ہوا کچھ بھی نہیں

 

[نوید ملک]

نظر میرے دل کی پڑی درد کس پہ
جدھر دیکھتا ہوں ، وہی رو برو ہے